GIFT !

FANTASTISK!! Me svevar framleis etter ein heilt fantastisk bryllaupsdag laurdag. PERFEKT!! Kjem attende med fleire bilete når me har landa igjen. HURRA for kjærleiken!

Tripp trapp...

 God fredags aften ute i veven. På gjesterommet heng brudekjolen klar til bruk. ÅÅÅ...eg gledar meg så inderleg. Herr Blåbær har sjølvsagt ikkje sett den, og skal heller ikkje sjå den før den store dagen. Det de ser henge på biletet her er underskjørtet mitt, som består av mange lag med tyll. Skikkeleg puff:)

Ynskjer alle ei fin Jonsokhelg=)

Bryllupsinspirasjon

 

God kveld fine folk. Eit lite bryllaupsinspirasjonsinnlegg er vel på sin plass. Så kan de få sjå litt korleis brudebuketten kan bli sjåande ut. Har óg tenkt å lage pom poms av silkepapir. Har øvd meg på det øverste biletet, og er ganske nøgd med resultatet. Så kanskje; les kanskje, det blir slike på borda, eventuelt hengande rundt om, viss eg får tid. Men enkel, vakker og billig pynt er det vertfall.  Ein kan også lage dei store å ha dei hengande på eit barnerom eller nytta dei i andre "festivitashøve".

(Dei tre nederste bileta er frå google.)

Nyt kvelden vidare=)

Prinsesserommet

God aften i veven! Gardinene til Alva har vore feridgsydde ei god stund. Men med bryllupsplanlegging og permisjonsboble tok det litt lenger tid å få hengt dei opp enn planlagt. Må sei meg ganske nøgd med resultatet (når dei endeleg vart hengt opp). Alva søv godt om natta. Så verkar vertfall som ho er nøgd. Litt lite møblar enno. Men det kjem litt etterkvart.

Må beklage litt for slapp oppdatering, men bryllupsplanlegging tek tid! Reknar med det er normalt? Kjekt er det vertfall. Skal prøve å oppdatere litt jamnare no framover. Kanskje litt bryllupsinspirasjon er på sin plass også? Bilete frå den store dagen skal de vertfall få sjå etterkvart. Kan jo nett tilføye at det er under 4 veker til den store dagen. GRUGLEDE:) 

Ynskjer deg ein framleis fin aften=)

Mønstret tapet til salgs

Eg har på eit eller anna vis bomma med bestillinga av tapet til TV-kroken då me bygde huset i fjor. Har derfor ein del rullar igjen av denne tapeten. Nok til 1-2 veggar. Kjempefin tapet med svært tjukk og god kvalitet. Mønsteret er trykt i tapeten. Sender gjerne ein prøvebit. Er du interessert i å kjøpa? Send meg ein mail:)

SOLGT

Ha ein fin kveld vidare:)

 

Prinsesserom

Bilete lånt frå www.lykkemamma.no

 God aften alle ute i veven! Alva er moden for eige rom. Eg føler eg må lage det koseleg til, før eg flytter ho over i nye omgjevnader og i ny seng. Etter litt leiting på veven så fann eg denne nydelege sengehimmelen på lykkemamma.no. I tillegg har eg kjøpt litt stoff på stoffogstil.no, så eg har tenkt å sy gardiner til lille blåbærjenta. Er ikkje noko racer på symaskin, men tenker at dette bør eg fikse. Så trur eg det blir ein liten runde på nye IKEA på Åsane etterkvart. Har sett på ein slags skjenk eg har tenkt ho skal få ha på rommet sitt. Lurt å ta litt etter litt:)

God natt=)

Pink og Puff

 Det er under tre månader til den store dagen vår og planlegginga er godt i gang. Fekk sendt ut alle invitasjonar i helga, og byrjar no å så smått å få tilbakemeldingar på kven som kan komma. Vart litt fleire gjester enn me hadde tenkt, men eg tenker "the more, the merrier". ;) Kjolen min kjem denne veka...G L E D A R meg veldig til det vertfall. Må passe på å få gøymt den slik at ikkje Herr Blåbær får auge på den. I hallen heng det to små utruleg søte brudepikekjolar med skikkelig puff og rosa sløyfebånd. Veldig koseleg at dei heng der litt. Trur eg må henge dei inn i eit skap veldig snart. No skal eg surfa litt rundt på veven på jakt etter litt dekorasjonsinspirasjon.

Fin kveld til alle:)

Bling i hallen

Førre veke hadde eg meg ein liten tur på IKEA med min kjære mor. Litt småtteri på handlelista denne gongen. Deriblant ein ny kommode til å ha i hallen, som eg har satt på nokre knottar med skikkelig shine. Gledar meg til kvar gong eg skal på IKEA, og når eg reiser derifrå gledar eg meg til at det er lenge til neste gong! Eg tippar alle som har vore der skjønar kva eg meinar med det. Uansett...byrjar å bli nøgd med korleis det der ut i hallen vår. Har egentleg lyst på ein "Loveseat" ved trappa også, men det får komme seinare.

Ha ein super kveld vidare kjekke lesarar=)

Patinagrå

God aften der ute i verdsveven. No kan eg endeleg få visa fram det heimelaga bordet svigerfar har laga til oss. Eg vart berre heilt supernøgd! Etter ein lengre turkeperiode i hallen, fekk det seg to strøk med Lady interiørbeis av fargen patinagrå. Resultatet vart betre enn forventa. Stort og godt bord, hærleg!!

Ha ein fin kveld vidare alle ute i veven!=)

Rockepåske

Hei og hopp og god aften igjen! Liten etterpåskeoppdatering frå meg i kveld. Brukte litt av påsken til Påskerock i Årdal. Heilt fantastisk artig, og håpar det vert til neste år også. Kjekt å vere med på noko som er heilt det motsatte av mammapermisjon. OG veldig kjekt å synga saman med flinkaste Mocijenta mi:)

Litt ting som skal skje framover i heimen no. Alva skal flytte inn på eige rom, og eg held på å innreie rommet hennar. Skal sy gardiner og har tråla rundt på veven etter ein fin sengehimmel. Må lage litt stas for søte Alva:) Stovebordet som svigerfar har laga er også ferdig. So no gjenstår det berre å beise det. Eg vart kjempenøgd med resultatet, skal visa det fram når det er klart. 

Ha ein framleis nydeleg aften :)