Brødlaupsdag!

Hei hå i stova! Tenk at det er eit år sidan me gifta oss i dag. Ein heilt ubeskriveleg fantastisk dag, eg aldri kjem til å gløyma. Tida går så utruleg fort. Eit år som gift har gått svært så bra, men må innrømma at det har gått akkurat like bra som før me vart gift. Altså me var vel egentleg "gift" før me gifta oss:) Med hus og ungar, så var eit bryllaup berre prikken over i'en, pluss at eg har fått nytt etternamn. 

Den øverste etasjen av bryllaupskaka vår har lege i frysaren i nøyaktig eit år. Me var utruleg spente på om den var like god eit år etter, og ja, det var den. Me har framleis igjen, så eg trur eg må intivera nokre kjekke naboar på ein "bryllaupsreunion" i morgon.

Ha ein strålande kveld=)

Linda

Ser du det?

God kveld i stova!

Ser du at det har blitt malt her? Tenker meg at det er vanskeleg å sjå for deg. Me ser vertfall stor forskjell. Utruleg kor mykje eit strøk har å seie. Enda litt malejobb igjen før me er heilt ferdige. Ååå, eg gledar meg sånn til alt er ferdig. Kjenner eg er stiv og støl i heile kroppen. Men der er verdt alt strevet:)

Ha ein fin kveld vidare=)

Linda

Pom-poms

Åååå, pom-poms er det søstaste eg veit om. Hadde det vore opp til meg, hadde eg ville hatt det rundt om i heile huset. Kan nesten ikkje det, men har lyst. I kveld har eg laga eit par som Alva kan ha på rommet sitt. Det er vel lov? Eg har mykje silkepapir igjen frå bryllaupet, då planen var å fylla festlokalet med desse hærlegheitane, men tida strakk diverre ikkje til. Skal henga, Alva sine dus-rosa, opp i morgon den dag. 

Ellers så går det også framover med malinga. No har me kun igjen det som me må ha lift til å mala. Høgt hus, og kjem ikkje til med stige over alt. 

Ha ein fin kveld vidare=)

Linda

Vakre pioner!

God kveld i stova! Då er me halvvegs ferdige med å mala huset. Kjedeleg arbeid, men det blir fint. Ser tydeleg at det berre var eit strøk no. Fargen blir mykje tettare og fin på det andre strøket. Kan ta eit bilete i morgon, men det er sikkert vanskeleg å sjå på bilete.

Har kjøpt meg favorittblomen for helga, nemleg pion. Elskar pioner, minnar meg om brudebuketten min. No luktar det pioner i heile huset. Tenk at me snart har vore gift i eit år. Tida flyg! 

No må eg flyga...grillfest i Blåbærvegen i kveld. Blir kjekt! 

Ha ein super laurdagskveld der du er =)

Linda

Lampeluftig

Denne hærlege godsaken har eg gått til innkjøp av i dag. Utruleg vakker lampe, Vita Eos. Den er laga av kvite fjær. Har tenkt å henge den opp i stova, viss det passar seg slik. De skal sjølvsagt få sjå når den er komme på plass. Lita, men egentleg stor glede for Fru Blåbær.

Ungane er akurat sendt på hyttetur med besteforeldra, så no skal eg halda fram med glasvasken min. Gledar meg...hihi! ;)

Ha ein fin dag vidare=)

Gravetid

Sånn ser det ut hjå oss i dag. Litt graving må til for å få det slik ein vil. Det å få orden på alt utandørs tar tid. No har me budd her i to år, og framleis er det mykje å gjere. Det største er sjølvsagt garasje. Søknaden er sendt, så får me sjå om me kjem i gang i år. Time will show! 

I dag byrja eg på den berømte glasvasken. Har fått unna nesten alt i fyrste etasje. Men med over 30 vindauge tar det tid. Håpar eg blir ferdig i morgon. Det verste med det at vindauga er reine, er at det berre er eg (og kanskje mamma) som ser at dei er vaska;)

Så startar me med malinga til helga, hurra!

Vonar du har ein fin kveld der du er =)

Maletid

God kveld i heimen. Huset vårt har faktisk berre fått eit strøk med maling på seg. Då me flytta inn i huset for to år sidan måla me det fyrste strøket. Sidan eg var gravid, gjekk det ikkje så fort i svingane. I fjor var det bryllaup som fylte opp heile ferien, så då rakk me ikkje å ta det andre strøket. Det betyr at Herr og Fru Blåbær lyt brette opp erma, og ta fatt i malepenslane neste veke. Huset ser ikkje så aller verst ut med eit strøk, men eg trur ein kjem til å sjå stor forskjell når me er ferdige. Me målar med fargen "Eggehvit". Fargen ser kvit ut, men er ikkje så skarp som kvit. Dette må vel bli bra?

No har eg besøk av mi kjære syster, så har ikkje tid til å henge innpå her for lenge. No skal me kosa oss.

Kos deg du òg=)

 

Lysare tider

Hei alle kjære der ute i veven! Det er så lenge sidan eg har blogga, at eg nesten har gløymt korleis eg gjer det. Pausen var i utgangspunktet ikkje planlagt, men når vekene gjekk, bestemte eg meg for å ta ein pause. Travel småbarnsmor med lite å blogga om. Eg vil ikkje berre blogga for å blogga. Eg har lyst til at det skal vere kjekt for alle lesarane også. Eg håpar de framleis vil følga bloggen, trass min slappe periode. 

No har eg lang ferie framfor meg, og har god tid til å vere småbarnsmor og blogga i tillegg :)

Vinteren har vore lang i Blåbærvegen, sikkert like lang for meg som for deg. Ein ting som er heilt sikkert, det er at no er det lyst, og det er sommar (eller nesten vertfall, sola har ikkje lyst til å komma fram for tida). Eg elskar det!

Ynskjer alle ein fin sumarskveld =)

Kjøkkentid

Veka i Blåbærvegen har vore prega av sjuke born. Så meg og Herr Blåbær har veksla på å vere heime frå jobb. No ser det heldigvis ut som om at det har løysna, og at neste veke blir normal. Den blir uansett ikkje normal for meg som skal til Wien på onsdag...jippi! Litt bilete frå kjøkkenet i dagslys i kveld. 

Ha ein framleis fin kveld=)

 

Planløysningar

God kveld i heimane! Snø, vinter og kulde er framleis tingen her i Blåbærvegen. Merkar likevel at mørket kjem seinare og seinare for kvar dag som går. Det er hærleg! Går sakte men sikkert mot vinterferie også, noko me gledar oss til i heimen. Mor i huset skal til Wien med jobben nokre dagar i byrjinga av ferien. Kjenner eg byrja å sjå fram til det. Planløysningar på bloggen i kveld. Har fått nokre spørsmål om å dele desse, så her kjem dei. Huset har to plan, med 120 kvm i grunnflate. I tillegg har me to platningar på fyrste plan, og veranda i 2. etg.

Kos deg vidare=)